TUNAKUTAKIA SAFARI NJEMA OMONG ILA TATIZO SIO WEWE>>

TAARIFA KWA VYOMBO VYA HABARI

Klabu ya Simba na kocha wake Mkuu Joseph Omog wameamua kwa pamoja  Kuvunja mkataba baina yao kwa makubaliano ya ya pande zote mbili

Klabu ya Simba inamtakia Kila la  Kheri kocha Omog kwenye Maisha yake nje ya Simba.

Kwa wakati huu timu itakuwa chini ya Kocha msaidizi Massoud Djuma na  itaendelea na  mazoezi hapo kesho. Ambapo siku ya Jumatatu itapumzika kwa ajili ya sikukuu ya Christmas na Jummane kuingia kambini kwa ajili ya Safari kuelekea Mtwara.

Pia  kwa niaba ya Uongozi,  benchi la ufundi na wachezaji wote tutumie nafasi kuomba  radhi sana mashabiki wetu na wanachama wote kutokana na matokeo ya Jana ila ndio mchezo wa mpira ulivyo,  ila tuwaombe muwe wavumilivu katika kipindi hiki ili kufikia malengo yetu.

Mwisho klabu inawataka kheri ya sikukuu ya Noeli  na mapumziko mema ya wikiendi.

Imetolewa na Haji Manara
Mkuu wa Habari Simba SC