Mohamed Dewji Mo umefanya kile ambacho kila mwanasimba kwa wakati huu alikua akiombea kitokee.
Asante sana kuonyesha kua wewe ndio mwenye timu na kumuondoa Omog.
Sio siri mimi ni mmoja wa watu ambao mwanzo nilikua namuamini na kutamani Omog apewe muda zaidi, lakini kila siku timu ilikua inazidi kuporomoka kiwango na kucheza wanavyoona wachezaji wanataka.
Kinachonipa wasiwasi kwa sasa ni ukubwa wa timu na watu walio karibu na hiyo timu. Je kweli wanastahili kuwa hapo mahali?
Kuanzia huyu kocha ambae kwa sasa kaishikilia timu, kocha msaidizi sisi wapenzi wa Simba kweli tunaona anastahili kushika hiyo nafasi kwa timu kubwa kama Simba?????
Tusijione bado ni timu ya kawaida, kwa sasa Simba ni moja kati ya timu kubwa sana hapa Africa hivyo tunastahili kocha bora kabisa wa kuweza kutuletea mafanikio yanayolingana na ukubwa wa timu yetu.
Tunafungwa na timu ya daraja la pili iliyojaa wachezaji wazee na waliochoka..... hii ni Simba kweli?
Tusijidaganye kusema mbona hata Man united nayo imefungwa na timu ndogo, tuangalie timu yetu.....
Kwa kuanzia nakuomba Mo kama umeweza kumuondoa Omog, waondoe na hawa walio karibu na timu.
Tunataka watu professional ndio wafanye kazi za kila siku za timu.
Hua najiuliza sana, watu kama Abas Suleiman ambae anajiita mratibu wa timu ya Simba anaratibu nini?
Kuna watu wengi wa ajabu ambao mara nyingi kazi yao ni kutengeneza majungu na kuwafanya wachezaji wacheze kwa kiwango cha chini katika timu yetu
Mo tunakuomba utengeneze timu ambayo haitakua na longolongo.
Tengeneza timu ambayo itakua ina watu wawajibikaji sio kila mara mawazo yako yasipokubaliwa unasusa na kukaa pembeni ukisubiri timu ifanye vibaya useme nilijua.
Timu kwa sasa haiku vizuri kabisa.
Timu inamtegemea mtu mmoja Erasto Nyoni, akiwa hayupo vizuri siku hiyo timu inakua mbaya kupindukia.
Sijaona umuhimu wa mtu kama Ally Shomary katika timu ya Simba, tunahitaji mchezaji mzuri zaidi ya Ally Shomari.
Kila mchezo aliocheza lazima anatoa mashimo ya ajabu na kuwapa kazi watu wengine wayazibe…
Juzi nilikua naumia jinsi alivyokua akisumbuliwa na yule mzee Hussein Bunu, kweli mzee kama yule anamsumbua beki wa timu kubwa kama Simba?
Umefika muda tukawa tunafanya usajili unaostahili kufanywa na timu kubwa.
Kama pesa ipo inakuaje tunaleta wachezaji wa kuwajaribu?
Samba inatakiwa kuleta mchezaji ambae anakuja kucheza sio hao kina Juma Luizio, sio hao kina Mlipili na Kitambi, tunaaka watu waje kufanya kazi sio kuwasfu tu huyu jamaa mzuri tunataka atuonyeshe uzuri wake.
Najua nitapingwa na wengi kuhusu Mlipili, lakini nikiangalia hata jinsi yule mzee Bunu alivyokua kabla hajaupata mpira na kisha kuufata na kupiga kichwa najiuliza sana kuhusu kumuamini moja kwa moja huyo Mlipili.
Kuna wachezaji wengi hawastahili hatabkuwemo katika timu ya Simba.
Nashangaa usajili wa dirisha dogo tunazugwa na huyu Kwasi wakati matatizo ya msingi bado hayajatatuliwa.
Huyu Kwasi na Domingues nao tutakuja kuwana hawafai lakini tatizo lipo kwingine kabisa.
Kwangu tatizo linaanzia kwa kocha aje kocha wa ukweli.
Tusajili wafungaji wa ukweli.
Haruna Niyonzima apewe jukumu ambalo analimudu miaka yote tunayomjua, awe free agent wengine wafanye kazi ili tuone uzuri wake, lakini kuendelea kumchezesha pembeni tutakua tunamlaumu kila siku.
Na huku nyuma kama Mbonde akipona akae Mbonde na Juuko…
Akae Juuko na Kwasi….
Ingawa Kwasi ni mzuri mno akiwa anacheza nafasi za ushambuliaji hasa kwa nafasi ya kiungo kushambulia kutoka kushoto.
Kwa sasa imba inatakiwa wawepo watu wa saikolojia kuongea na kukaa na wachezaji. Sio Okwi akinuna anaamua kwenda kwao na huku nyuma timu inadhoofika viongozi wanabaki kutudanganya kila siku kua ana matatizo ya kifamilia, hawa wengine hawana matatizo ya kifamilia ila Okwi tu?
Imefika muda Mo ondoa viongozi wote longolongo.
Timu inaharibiwa na walio karibu na timu….
Dirisha dogo la usajili limefanyika lakini kina Luizio bado wapo na wataendelea kutuudhi na kutupa hasira sisi mashabiki tunaopiga kelele kushangilia kila siku na kutukanwa na kutaniwa na watu kila mara huku uswahilini……
Mo tutengenezee timu yetu…
No comments:
Post a Comment