AS ROMA WAIKEJERI CHELSEA BAADA YA KUIADHIBU KWA KUICHAPA GOAL 3-0

Miguu michafu ya kina Hazzard. Miguu Iliyobeba nyayo zenye vumbi la dhambi. Ilipothubutu tu kuikanyaga ardhi takatifu ya mji wa Roma. Ardhi ikapiga kelele ishara ya kwamba kuna watu wamekuja kuitia najisi nchi. Ndipo gavana katili wa mji wa Roma akawauliza Dzeko na El Shalaw. Mnataka nimfanyeje CHELSEA?!! Zikasikika kelele ASULUBIWE! ASULUBIWE!

 Basi gavana akaamuru Chelsea atendewe kama watu wa mji wa Roma watakavyo.
Roma wakamtwaa Chelsea, wakamfanyia dhihaka kwa kumvika nepi kichwani, kisha wakamnyoa ndevu kwa vijinga vya moto.

Wakamtundika kwenye mbao zilizotengezwa mfano wa msalaba. Kisha wakampigilia misumari mikubwa mi 3. Mikononi na miguuni. Juu ya kichwa chake wakaweka kibao chenye maneno ya kiitaliano.. Mosi serta hora inserta. Yaani, HUYU NDIYE MFALME WA LIGI KUU YA ENGLAND.

Baadhi ya askari wasiojua tafsiri ya neno utu tangu wazaliwe. Wakamuona Abromovic amejificha akishuhudia mateso ya Chelsea. Wakamfuata nakumuuliza. Wewe nawe u sehemu ya watu hawa?!! Abromovic akaikana Chelsea mara 3 kwa kusema maneno haya..

SIJAWAJUA WATU HAO TANGU KUZALIWA KWANGU.'' Baada ya hapo akatoka mbio mithili ya kibaka aliyeichoropoa shingo yake kwenye tairi la moto.